Fæðingarorlofssjóður

Í 14. gr. ffl. kemur fram að meðan á fæðingarorlofi stendur greiðir foreldri að lágmarki 4% af fæðingarorlofsgreiðslum í lífeyrissjóð og Fæðingarorlofssjóður að lágmarki 8%. Foreldri er að auki heimilt að greiða í séreignarsjóð (ekki er greitt mótframlag).

Þá reiknast fæðingarorlof til starfstíma við mat á starfstengdum réttindum, svo sem rétti til orlofstöku og lengingar orlofs samkvæmt kjarasamningum, starfsaldurshækkana, veikindaréttar, uppsagnarfrests og réttar til atvinnuleysisbóta.

Á meðan á fæðingarorlofi stendur getur foreldri óskað eftir að Fæðingarorlofssjóður haldi eftir af greiðslum félagsgjaldi til stéttarfélags.

Síðast uppfært 11. júní 2018